Ослободете се од темните кругови околу очите со 3 едноставни и евтини трикови и изгледајте свежо секое утро.
Темните кругови околу очите се проблем со кој се соочуваат и мажите и жените, а може да биде многу упорен. Дури и многу познати ѕвезди не кријат дека немаат друго решение, туку прибегнуваат кон различни техники на шминкање за да ги сокријат темните кругови. Бидејќи кожата на оваа област е многу чувствителна, најдобро би било да се држите до благи креми или трикови со природни производи кои веќе ги имате дома.
1. Ладни кесички чај
Еден од поефикасните трикови за борба против темните кругови околу очите се кесичките со чај. Сварете зелен чај или чај од камилица и откако ќе ги извадите кесичките ставете ги во фрижидер околу 15 минути. Кога ќе се изладат, ставете ги на очните капаци и оставете ги околу 10 минути. Ако имате среќа, резултатите може да бидат видливи уште по првиот обид, но ако не се, повторете ја постапката неколку пати неделно.
2. Рендана краставица
Ренданата краставица е еден од најпознатите домашни лекови за подочници околу очите. Може да помогне да се намали отокот на очните капаци, но и да изгледа посвежо и да ја осветли областа. Изрендајте малку краставица и ставете ги парчињата на очите. Чувајте ги околу 15 минути, а постапката повторете ја наутро и навечер.
3. Сок од домати
Доматите содржат антиоксиданси кои помагаат во борбата против темните кругови околу очите. Измешајте една лажичка сок од домати со една лажичка сок од лимон и натопете памук во овој раствор. Ставете го на пределот под окото (но не премногу блиску до очните капаци) и оставете го неколку минути, а потоа измијте го. Постапката повторувајте ја неколку пати месечно.
Доколку покрај овие трикови или слична нега, сепак не успеете да се ослободите од темните кругови околу очите, посетете лекар и проверете дали се работи за генетски проблем или сигнал од телото дека нешто не е во ред.