„Едвај чекам да бидам дел од оваа брилијантна актерска екипа и продукција“, рече Кара Делевињ, модел и актерка која ќе го има своето деби на сцената во мјузиклот Кабаре во лондонскиот Вест Енд. Станува збор за мјузикл во режија на Ребека Фрекнал и се игра во Вест Енд веќе неколку години, а оваа пролет ќе биде и на Бродвеј, а во кој главната актерска екипа периодично се менува. Еди Редмејн исто така глумеше во истиот мјузикл, а Кара Делевињ и нејзиниот актерски партнер Лук Тредавеј, добитник на наградата Лоренс Оливие, ќе ги преземат улогите од поп-ѕвездите Џејк Ширс и Ребека Луси, попознати како Self Esteem, кои настапуваат од септември 2023 година.
Кара Делевињ досега има глумено во голем број филмови и ТВ серии, ја видовме, меѓу другото, во филмската адаптација на „Ана Каренина“ од 2012 година, сериите „Suicide Squad“ и „Only Murders in the Building“, но ова ќе биде нејзина прва театарска улога и веднаш во голем хит.
View this post on Instagram
„Нема зборови да опишам колку сум возбуден што се враќам дома за да го имам моето сценско деби во таква иконична улога. Едвај чекам да станам член на клубот Кит Кат и да се приклучам на оваа неверојатна продукција. Голема чест е да ми биде понудена улогата на Сали Боулс и едвај чекам да започнам“, рече таа во официјалното соопштение. Мјузиклот ќе се игра во лондонскиот Playhouse Theatre од 11 март 2024 година до 1 јуни 2024 година.