Со сигурност можеме да кажеме дека Кајли Џенер во последните неколку години се профилираше како трендсетерка чиј стил сакаме да го следиме, а сега доби уште една обожавателка, а тоа е познатата Клаудија Шифер. Познатата германска манекенка на социјалните мрежи сподели фотографија од себе и нејзината колешка, исто така супермодел Хелен Кристенсен, а она што особено го привлече вниманието на нејзините многубројни следбеници на Инстаграм е костимот за капење Шанел кој го носеше Шифер. Станува збор за фотографија од едиторијалното снимање од 90-тите, на кое познатиот супермодел носи бикини на Шанел со блескави елементи од колекцијата пролет/лето 1995 година.
Сезоната на бикини се ближи, а Кајли Џенер знае како да ги носи во винтиџ костим за капење Шанел“, напиша 53-годишната манекенка, а токму во овој костим за капење американскиот претприемач и најмладиот член на кланот Џенер-Кардашијан позираше на плажа само две недели порано.
View this post on Instagram
Покрај ентузијастичките фанови и следбеници, нејзиниот изглед го забележа и самата Шифер, која се присети и на нејзиниот иконски изглед. Во 1990-тите, Шифер беше позната како еден од најуспешните супермодели во светот, а во текот на својата богата кариера се појави на над илјада насловни страници на модни списанија, благодарение на што дури го држи рекордот во Гинисовата книга на рекорди како модел со најмногу насловни. Покрај бројните модни списанија и едиторијали, Шифер се појави и на насловната страница на Плејбој во 1997 година.