Макс објави краток тизер трејлер за претстојната трета сезона на The White Lotus на платформата X. Оваа сезона се одвива во Тајланд, а возбудата околу изданието стана уште поголема откако беше објавено дека LISA од К-поп групата BLACKPINK ќе се приклучи на актерската екипа. Сега нов тизер и официјално ја прикажува пејачката во нејзината дебитантска актерска улога за прв пат.
View this post on Instagram
Третата сезона ќе следи нова група гости, слично како што актерската екипа од првата сезона ја предаде штафетата за втората сезона. Во интервју по финалето на HBO, Мајк Вајт навести дека третата сезона ќе се фокусира на – смртта. „Првата сезона на некој начин истакна пари, втората сезона е за секс и мислам дека третата сезона може да биде сатиричен и забавен поглед на смртта, источните религии и духовноста. Изгледа дека може да биде богата рамка за таписерија за новата сезона на White Lotus“, изјави креаторот и извршен продуцент на хит серијата.
View this post on Instagram
Без разлика, во моментов не се знае многу за новата сезона. Во текот на годината полека се најавуваа нови членови на актерската екипа, вклучувајќи ги Наташа Ротвел, Лесли Биб, Џејсон Ајзакс, Мишел Монаган, Кери Кун и многу други познати и помалку познати имиња од индустријата. Беше најавено и дека третата сезона ќе биде подолга, а публиката може да очекува уште полуд и поинтензивен заплет од првите две сезони. Бевме убедени дека тоа е невозможно, па со нетрпение ја очекуваме новата сезона која ќе излезе во текот на следната година!