Принцот Хари и Меган Маркл неодамна ја посетија Нигерија за да ги промовираат игрите Invictus. Како што пишуваат британските медиуми, кралот Чарлс е целосно бесен поради медиумското покривање на нивната авантура. Го налути и тоа што нивната посета изгледаше прилично „кралска“.
Дружењето со луѓето во Нигерија многумина го сметаа за очајнички потег за Хари и Меган да се претстават пред најголемите можни хуманитарци.
„Факт е дека Меган и Хари беа третирани како да се работи за официјална кралска турнеја. Сите типични карактеристики на кралската турнеја беа таму, бидејќи парот беше пречекан со танцување и поканет на различни приеми и посети на училишта“, откри изворот, додавајќи:
“Како Хари и Меган да ги игнорираат сите правила – нивното патување во Нигерија беше доказ дека тие одбиваат да прифатат дека повеќе не се членови на кралското семејство. Од моја перспектива, лесно е да се разбере зошто членовите на кралското семејство се загрижени“, изјави тој за британските медиуми.
Скапите модни креации на Меган Маркл го привлекоа и вниманието на сите модни познавачи, особено затоа што Меган ја „копираше“ покојната принцеза Дијана. Имено, таа облекла едноставен долг бел фустан без прерамки и беж сандали, а комбинацијата ја комплетирала со златен накит кој некогаш и припаѓал на принцезата Дијана.
Веќе следниот ден повторно се инспирирала од стилот на покојната принцеза, кога носела впечатлив бел костум и високи потпетици во земјени тонови. Околу вратот носела едноставен златен ѓердан каков што некогаш носела Дијана за време на посетата на истата африканска земја.