Британскиот рок бенд The Cure го најави објавувањето на својата прва песна по 16 години.
Песната ќе биде објавена на 26 септември, а во 12 часот први ќе ја слушнат слушателите на британското BBC Radio 6, пренесува профилот на британската група на платформата X.
Заедно со објавувањето, беше поставен и клип од новата песна од дваесетина секунди.
Британскиот весник „Гардијан“ наведе дека „Alone“, симфониска балада „со тешки тапани и електрична гитара“, најверојатно ќе биде дел од новиот албум „Songs of a Lost World“, на кој групата работи неколку години, кој треба да биде објавен на 1 ноември.
ALONE
OUT SEPT 26 | 12PM BST | 7AM EST | 9PM AEST
EXCLUSIVE FIRST PLAY WITH #MARYANNEHOBBS @BBC6Music pic.twitter.com/CZbqle5coE— The Cure (@thecure) September 23, 2024
Последниот албум издаден од групата The Cure е „4.13 Dream“ од 2008 година.
Со богата дискографија, The Cure има огромен број следбеници, вклучително и млади фанови. Тие имаат повеќе од 17 милиони прегледи месечно на Spotify, значително повеќе од повеќето бендови од 1980-тите, според Гардијан.