Пејачката Лејди Гага ги поттикна гласините за свршувачка откако обожавателите забележаа огромен дијамантски прстен на раката.
Лејди Гага е во врска со Мајкл Полански од 2019 година и неодамна беше видена како носи огромен дијамантски прстен на левиот прст. Потсетуваме, пејачката претходно двапати беше свршена, првиот пат со Тејлор Кини, а вториот со Кристијан Карина, но никогаш не застана пред олтарот.
Веста за врската со Мајкл Полански првпат се појави во 2019 година, а официјално ја објавија на Инстаграм следната година. Двајцата ја чуваа својата романса во тајност, а во март 2023 година протече вест дека Гага и Полански се разделиле поради несогласувања околу бракот и децата.
Сепак, парот ги негираше гласините во октомври 2023 година, кога беа забележани како присуствуваат на два концерта во Лас Вегас.