Во оваа необична лимонада можете подеднакво да уживате и во пролет и во лето. Лесно се подготвува, има освежителен вкус и богат е со здрави состојки.
Искористете го максимумот од сезоната на јагоди и направете го овој вкусен и освежителен пијалок со додаток на мед за посебен сладок вкус, сок од лимон и нане за свежина и ѓумбир за огнена топлина. Ова е исто така одличен начин да ги искористите малку презрелите јагоди. Подобро е да се користат презрели јагоди, бидејќи незрелите може да имаат горчливи ноти. Послужете го пијалокот со мраз и парче лимета за дополнителен вкус.
Состојки:
1 лажица кора од лимета
2 шолји сок од лимон
1 лимета за гарнир
2 лажици мед
1 парче ѓумбир, излупен и сечкан
1 шолја листови од нане
200 грама јагоди, излупени и исечени на четвртини, за сервирање со мраз
Подготовка: Измешајте сок од лимон, мед и 4 чаши вода во голем бокал. Во блендер додадете го ѓумбирот, 1/2 шоља листови од нане, целата кора од лимон и 1/2 чаша вода измешајте додека не се изедначи. Добро процедете ја смесата во бокалот за да извлечете што повеќе течност. Додадете ги јагодите и 1/2 чаша вода во блендерот (нема потреба да се чисти). Блендирајте додека не се изедначи и процедете во бокал. Промешајте и изладете додека не се подготвите за сервирање. Пред сервирање пробајте дали е доволно сладок и по потреба прилагодете. Останатите листови нане поделете ги во чаши, додадете мраз и прелијте го со напитокот.