Лиза Кудроу наоѓа утеха во повторното гледање на епизодите на „Пријатели“ како начин да го прослави хуморот и животот на нејзиниот покоен колега Метју Пери.
Актерката, која ја играше чудната и симпатична Фиби Бафеj во култниот ситком, долго време избегнуваше да се гледа себеси во шоуто поради чувство на непријатност.
Сепак, неодамнешната смрт на Пери и даде нова перспектива и причина да се врати во саканата серија.
Во интервју за „Холивуд репортер“, 60-годишната Кудроу ги сподели своите искрени чувства за повторното гледање на „Пријатели“ во чест на Пери.
– Искрено, не можев да ја гледам серијата бидејќи е премногу непријатнo да се гледам себеси. Но, ако го гледам Метју, тогаш е во ред. Тоа е само прослава за тоа колку беше урнебесен, и тоа е она што сакам да го паметам.
Размислувајќи за времето поминато на сетот, Кудроу се присети на радоста и смеата што ги исполнија нивните денови.
– Само се смееш цел ден, во основа, меѓу сцените, бидејќи тие се смешни луѓе приватно. А особено некој како Метју, чија цел беше да ги насмее луѓето во реалниот живот.
Метју Пери почина во октомври 2023 година на 54-годишна возраст. Неговата смрт беше припишана на акутните ефекти на кетаминот, со други фактори кои придонесуваат, вклучувајќи коронарна артериска болест и бупренорфин, опиоид.
Канцеларијата на медицинскиот преглед на округот Лос Анџелес пресуди дека неговата смрт е случајна, но истрагата е во тек и полицијата верува дека повеќе луѓе треба да бидат обвинети во врска со неговата смрт.
Кудроу верува дека светот го памети Пери онака како што тој сакал да биде запаметен.
– Мислам дека светот го памети онака како што сакаше да биде запаметен – рекла Лизa.