И ова е некаква форма на благодарност до нејзиното тело, кое продолжува да ја одржува силна, откако помина низ лоша здравствена состојба.
Добрата гола фотографија е уметност и треба да се цени. Ниту на постарите ѕвезди ова не им е непознато – на крајот на краиштата, тие го нормализираа. Ама некој со голи гради да јаде супа и да се снима, па, тоа можеме да го очекуваме само од уметник.
Пејачката Мадона (66) се огласи на 22 октомври на својата „Инстаграм“ приказна каде сподели неколку фотографии на кои позира топлес додека јаде супа.Фотографиите ги започна со селфи на кое позира топлес додека носи црни очила и „пука“ за камерата. На следната слика таа е во полн сјај со плетенки, неверојатен сребрен ѓердан и пар вкрстени обетки. Потоа на голите гради држи бела салфетка, додека држи лажица и ја меша супата украсена со крутони. На последната фотографија се гледа како таа конечно вели да додека се наведнува напред кон камерата.