Првиот впечаток за некого може да го добиете само неколку мигови од средбата, а тоа може да одреди дали таа личност ќе ви се допадне, дали ќе ѝ пријдете и слично. Што е тоа што жените веднаш го забележуваат кога ќе видат некој маж?
Судејќи според мислењето на доктор Гордон Пацер, автор на книгата „Looks: Why They Matter More than You Ever Imagined“, жените за само неколку минути забележуваат многу работи кај мажите.
„Ја забележуваат нивната висина, дали се физички привлечни и како се смеат. Ако нешто е истакнато кај мажот и тоа е многу очигледно, било во физичка или психичка смисла, истото може да го класифицира како непривлечен“, тврди докторот.
Исто така, Гордон смета дека изгледот, како и степенот на привлечност, ќе одредат дали жената ќе го задржи подолго вниманието.
„Жените ги интересира надворешноста, но многу ќе се потрудат да откријат што се крие зад таа надворешност. Особено обрнуваат внимание на тоа што правите со косата, кожата и хигиената“, вели тој.
Насмевката е исто така исклучително важна.
„Насмевката испраќа пријателски повик, потенцијална забава и смеа“, вели докторот.
Според мислењето на доктор Самер Малхот од психијатриската болница Фортис во Њу Делхи, на жените им се допаѓаат мажи кои имаат голема самодоверба.
„Жените забележуваат колку се мажите јасни и одлучни и дали на работите им пристапуваат позитивно. Многу е важно да сфатите дека арогантен и нарцисоиден маж не се смета за човек кој има самодоверба“, советува тој.