Маслото од лешник е совршено за нега на кожата. Не суши и не иритира, па може да се користи во секојдневна нега. Богато е со витамини А, Ц, Е, Б, омега-3 и омега-6 масни киселини, минерали Mg, Cu, K. Брзо се апсорбира и одговара за сите типови кожа, како и за проблематична и кожа склона кон акни. Ја забрзува регенерацијата на кожата, го враќа нејзиниот тонус, ја хидрира и затегнува.
Како се користи за лице?
За нега на кожата на лицето и намалување на брчките, капнете 5-6 капки масло од лешник на дланката и нанесете на кожата. Нежно масирајте додека не се впие маслото. Најдобро е тоа да се прави навечер, пред спиење, а маслото да се остави преку ноќ. Нанесете на чиста кожа, наместо ноќен крем. Поради своите својства, маслото ќе ја нахрани кожата, ќе ја регенерира и ќе ги омекне брчките.
Нега на тело и коса
Маслото од лешник може да се користи и за нега на кожата на телото. Нанесете го маслото со лесни движења на кожата на телото, нежно масирајте со движења одоздола кон срцето. За нега на коса, втријте го маслото на косата и скалпот. Замотајте го во крпа и оставете да делува 2 часа, како маска, а потоа измијте ја косата на вообичаен начин.