Поранешната прва дама на САД сама го дизајнирала накитот што го продава преку својата официјална веб-страница, а во време кога нејзиниот сопруг се соочува со огромни правни трошоци.Меланија Трамп, поранешната прва дама на САД, неодамна на својот Инстаграм профил го претстави накитот кој сама го дизајнирала, кое го стави на продажба на својата веб-страница по повод Денот на мајката. Ова е, исто така, првпат Меланија да зборува јавно откако започна судењето на Трамп за поткупување на Сторми Даниелс.
Таа го направи тоа со фотографија од дизајнерски ѓердан наречен „Нејзината љубов и благодарност“, кој се состои од цветен привезок со дијаметар од 2,5 cm со прилагодлив синџир долг 40 до 45 cm, изработен од позлатено сребро. На секое парче накит од спротивната страна стои потписот на Меланија, додека на предната страна е оставено простор за изгравиран натпис или име по желба на купувачот и се продава по цена од 245 долари (околу 230 евра). Да ги почестиме и славиме сите мајки со љубов и благодарност“, порача поранешната прва дама на Инстаграм.
View this post on Instagram
Претходно овој месец, Меланија присуствуваше на собирање средства во домот на сопственикот на хеџ фондот Џон Полс во Палм Бич, а придонесите од собирањето средства отидоа во Комитетот Трамп 47, кој собира донации со Републиканскиот национален политички комитет и кој го плаќа најголемиот дел од правните средства на Трамп.
Да потсетиме дека во јануари годинава Трамп беше осуден откако поранешниот уредник на магазинот „Elle“ го обвини за силување и малтретирање што се случиле пред речиси три децении. Доналд Трамп беше прогласен за виновен во тужбата за клевета што ја покрена против него колумнист, а тој мораше да плати отштета од 18,3 милиони долари.
Тој, исто така, мораше да плати 65 милиони долари казнена отштета, со што вкупната сума достигна 83,3 милиони долари. Трамп се соочува со дури четири кривични обвиненија, вклучително и две во кои е обвинет дека се обидел незаконски да ја поништи неговата загуба на изборите во 2020 година. Поранешниот претседател беше обвинет и од њујоршките обвинители за фалсификување документи за да се прикрие исплата од 130.000 долари кон крајот на претседателската кампања во 2016 година за да се купи молк од порно ѕвездата Сторми Даниелс за нивната кратка афера од 2006 година, за која таа тврди дека се случила . Оттогаш се собираат докази и сведоци од двете страни, а како што изгледа засега среќата не е на страната на Трамп.