Сигурно имате личност во животот, мајка, баба, пријателка… која има омилен парфем кој е нејзин заштитен знак.
Многу жени имаат парфем кој им е адут во посебни прилики, како на пример романтична вечера со сопругот или викенд со своите пријателки. Во такви ситуации го вадат тоа магично шише од ормарот и ставаат капки по кои сите ги препознаваат.
Од друга страна, има и такви жени кои купуваат шише парфем што им се допаѓа, го нанесуваат секој ден и така до половина од шишенцето, а потоа им здосадува и почнуваат да бараат нешто ново.
Доколку спаѓате во втората група и сакате конечно да имате парфем кој ќе биде ваш заштитен знак, на оваа патека можеби ќе ви помогнат советите на парфимерите Ана Серано-МекКлејн и Александра Балахутис кои ви ги даваме подолу.
1. Мора да знаете што сакате
Кога пробувате парфеми, ако премногу пати се прашувате дали сакате некој мирис или не, веројатно не ви се допаѓа. Како што објаснува Балахутис, кога навистина ви се допаѓа мирисот или вкусот на нешто, тоа обично го знаете веднаш. Сепак, тој признава дека со текот на времето можеме да ги сакаме некои мириси, па ги остава сите опции отворени.
2. Не купувајте парфем веднаш штом ќе го пробате
Влеговте во парфимерија и најдовте победнички парфем, мирис за кој сте убедени дека може да стане ваш заштитен знак? Откако ќе го пробате и ќе се воодушевите, не купувајте, туку излезете од парфимеријата.
Имено, тоа е средина со премногу стимули. Кога нанесувате парфем, продолжете со другите обврски и внимавајте како се развиваат мирисните ноти со текот на времето. Искористете го времето за да проверите како вашата кожа реагира на парфемот. Ако ви се допаѓа, вратете се по шишенцето со парфем.
3. Направете го мирисот компатибилен со други производи
Балахутис вели дека не сака да биде одговорна за трендот луѓето повеќе да не се капат и да не носат дезодоранси, но препорачува да користите производи со природни ароми како лаванда или цитрус, кои нема да се судрат со вашиот парфем. Друга опција е да користите сапун без мирис.
4. Забавувајте се
Парфемите се како мода – можеби ќе ви се допадне нешто што не ви одговара во секоја ситуација, но во вистински момент тоа е нешто што ви го подигнува расположението и ја зголемува вашата самодоверба. Истото е и со парфемот со вашиот потпис – не мора да сакате да го носите секој ден, но тоа е најдобрата помош кога ви треба додаток која ќе направи да се чувствувате уште подобро во вашата кожа.
5. Внимавајте колку парфем нанесувате
Ако вашиот омилен парфем има благ мирис, можете да бидете послободни при нанесувањето, а ако е силен, внимавајте и најдете граница.
6. Прскајте се во текот на денот
Доколку ви претстои долг ден, земете со себе шишенце од омилениот парфем и по потреба освежете се за мирисот по кој сте препознатливи да се чувствува во текот на денот.
7. Спречете мирисот да стане досаден
Кога конечно ќе најдете парфем што го сметате за ваш заштитен знак, погрижете се да не ви здодее. За да спречите тоа да се случи, не ставајте го секој ден. Еден, два, три или повеќе дена во неделата користете ја втората опција. На овој начин нема да ви здодее омилениот парфем, но неговиот мирис ќе ве соборува од нозе секогаш кога ќе го нанесете.