Како нашето тело реагира на недостатокот на сексуален однос
Недостигот од соодветно сексуално образование, и воопшто, лошата комуникација за интимните односи, доведува до бројни заблуди кога станува збор за сексот.
Веројатно не постои животна област која е толку оптоварена со предрасуди, па дури и со целосни заблуди, како што е случајот со сексуалниот однос.
Експертите наведуваат неколку вообичаени митови поврзани со подолга апстиненција од интимни односи.
Пониско либидо
Се верува дека долгото отсуство на секс може да предизвика ниско либидо, но доколку сте во врска, мора да ги пренесете своите желби и потреби на партнерот.
Нискиот сексуален нагон е нормален и нормално е тој да се промени во текот на вашиот живот. Нормално е и да се биде асексуален.
Во хиперсексуалниот свет, многу луѓе се чувствуваат изоставено, па дури и се срамат од тоа што долго време не воделе љубов.
Физиолошки ефект
Редовниот секс може да доведе до одредени здравствени придобивки, вклучувајќи подобрување на функцијата на имунолошкиот систем, намален крвен притисок, пониско ниво на стрес и помал ризик од кардиоваскуларни болести.
Но, овие работи може да се постигнат и со алтернативни опции како што се специфични диети и вежбање.
Ментално здравје
Нискиот сексуален нагон може да биде проблем ако влијае на вашето ментално здравје. Ако сте загрижени за вашето ниско либидо и тоа предизвикува непријатност, тогаш ова е нешто за што треба да се погрижите бидејќи ве прави несреќни.
За жените кои имаат секс по долго време, анксиозноста може да игра клучна улога. Имено, вообичаено е жените да се жалат на болен однос откако повторно ќе почнат да водат љубов. Затоа секогаш пред сексуалниот однос треба да имате предигра која ќе ви помогне да се опуштите.
Сувост на вагината
Вистина е дека недостатокот на сексуална стимулација предизвикува пад на природната влажност во вагината. Затоа, на жените им се советува да користат лубриканти доколку имаат секс по подолго време.