Традиционално слатко направено од дуња, кое на многумина им е омилено, се прави многу едноставно.
Слаткото од дуња е омилено слатко за многумина.Овој традиционален деликатес се прави едноставно од сечкани или рендани дуњи.
Состојки:
1 кг дуњи
500 гр шеќер
1 чаша вода
2 лажици мед
сок од еден лимон
Подготовка:
Пред самата подготовка, измијте ги и стерилизирајте ги теглите во кои ќе го ставите слаткото.Истурете вода и шеќер во тенџере и варете додека течноста не стане густа. Гответе околу 10 минути на средна температура, па додадете го сокот од лимон, а можете да ја изрендате и кората од лимонот. Можете исто така да го исечете лимонот на парчиња. Потоа намалете ја температурата на шпоретот.
Измијте ги дуњите и исечете ги на саканите парчиња. По желба можете и да ги изрендате. Бидете брзи во рендањето бидејќи дуњата многу брзо ќе оксидира и ќе порумени. Додека ги рендате или сечете, можете да додадете неколку капки сок од лимон. Додадете ги во тенџерето, заедно со медот, зголемете ја температурата и промешајте да не се залепат дуњите на дното на тавата.
Слаткото ќе биде готово доколку, кога ќе ја повлечете лажицата на дното од тенџерото останува трага. Кога слаткото е готово, истурете го во тегли, добро затворете и покријте го со крпа.