Порталот BrightSide дојде до многу интересен заклучок, кој веројатно ќе ги заинтригира и жените и мажите.
Имено, новото истражување покажало дека жената со силен интелект и памет всушност може да го продолжи животот на мажот. Покрај тоа, помага во спречување на деменција. Во едно од студиите, била испитана здравствената состојба на идентичните близнаци и било откриено дека влијанието на едниот врз другиот одиграл голема улога во развојот на нивните интелектуални способности.
Научниците заклучиле дека мажите кои се омажиле за паметни жени живеат подолг и посреќен живот и многу помала е веројатноста да заболат од Алцхајмерова болест и деменција.
Општо е познато дека интелектуално стимулирачките игри го спречуваат појавувањето на овие болести бидејќи го стимулираат мозокот. Затоа, сосема е логично дека партнерот кој постојано го стимулира вашиот интелект има големо влијание врз развојот на вашите когнитивни способности.
Лоренс Вели, пензиониран професор по ментално здравје на Универзитетот во Абердин, рече: „Она што еден маж треба да го направи за да живее подолго е да се ожени со интелигентна жена. Нема подобра превенција од деменција од интелигенција“.
Девојките кои се горди на својата интелигенција прераснуваат во поодговорни и независни жени. Мажите кои ја делат оваа карактеристика, исто така, воспоставуваат поздрави односи со жените и создаваат поудобна семејна атмосфера за нивните сопруги и деца.
За жал, сè уште постои идејата дека убавината на жената треба да се цени повеќе од нејзиниот интелект. Но, ова истражување покажува дека личноста која се грижи за интелигенцијата на партнерот ќе биде во подобра позиција да се грижи и за своето ментално и физичко здравје.