Есента е знак на промени, нови трендови и освежувања, како во гардеробата, така и во светот на убавината. Доколку и самите размислувате за промена, можеби на фризурата, имаме одличен предлог кој можете да го пробате во новата сезона. Станува збор за исфениран боб, фризура која ги одбележа деведесеттите години на минатиот век, а сега ни доаѓа во уште подобро, пософистицирано и поелегантно издание. Токму она што ни е потребно за топлата сезона.
Фениран боб од деведесеттите комбинира две од најмодерните фризури: исфенирана фризура и класичен боб. Ги обединува, а резултатот е шик фризура која е направена за гламурозни пригоди, а е одличен избор и за секој ден.
View this post on Instagram
И додека 2022 и 2023 година беа за неуредна коса, лежерни пунџи и фризури кои изгледаат ноншалантно, во 2024 година акцентот е ставен на елеганцијата и гламурот. Со оглед на тоа дека минатата година исто така беше популарен боб, фризерите веруваат дека неговата доминација ќе продолжи и во текот на оваа година, а доколку сакате да му додадете доза гламур, пробајте исфениран боб.
Волуменот доаѓа до израз, па време е пеглата за коса да ја замените со четка за да го постигнете тоа, пишува Glamour. Пред да ја поделите косата на неколку делови за фенирање, нанесете масло по должината и на врвовите. Фенирајте прамен по прамен со тркалезна четка за волумен, а за „воздушен“ ефект, стилизирајте ја косата подалеку од лицето за динамика.
View this post on Instagram
Што се однесува до алатите, најдобар избор е тркалезната четка, а колку е поголема, толку побрзо ќе ја исушите косата. Не заборавајте нза квалитетни производи бидејќи, во спротивно, фризурата брзо ќе „се опушти“. Производите за коса играат голема улога во постигнувањето на совршената фризура со фенирање, затоа не ги прескокнувајте. Оние кои ја штитат косата од топлина се особено важни, а во вашата рутина можете да вклучите крема за обликување, како и спреј за волумен и пена.