Иако може да се наполни со сите можни видови месо, зеленчук и зачини, сирењето е задолжителна состојка која никогаш не смее да се прескокне во кесадиља. Може да се служи како појадок, ручек или вечера. Всушност, кога сакате.
Најдобро од се? Со готови тортиљи, ова јадење ќе биде готово за помалку од 10 минути.
Состојки:
2 тортиљи
50 грама рендано сирење
2 лажици путер
зачини по желба
Подготовка:
Во тава растопете една лажица путер и потпечете една тортиља.
Прекријте ја тортиљата со рендано сирење по желба.
Над сирењето можете да додадете ситно сечкан кромид и лук, билки, парчиња домати и пиперки.
Покријте го сирењето со уште една тортиља и внимателно свртете сè заедно.
Додадете ја преостанатата лажица путер во тавата и пржете додека другата страна не стане крцкава.
Кесадиљата исечете ја на триаголници и послужете ја со павлака или сос по ваш избор. Добар апетит!