Овошните салати се одличен избор доколку ви треба нешто за да ја задоволите жедта и да ги добиете сите витамини и минерали кои ви се потребни.
Може да биде и одлична природна алтернатива за десерт. Освен тоа, овошната салата помага да се чувствувате сити подолго време и затоа е идеална закуска за консумирање дури и за време на одредена диета.
Конечно, благодарение на високиот внес на влакна помага во борбата против запек со тоа што го промовира правилното функционирање на цревата, пренесува Novi list.hr.
Кога да јадете овошна салата?
Јадењето овошна салата наутро може да биде одличен избор за појадок. Се препорачува за сите возрасти и ви овозможува да го започнете денот со моментално засилување на енергијата.
Можете дури и да го разубавите вашиот ручек со богата и вкусна овошна салата зачинета со сок од лимон, но можете да ја консумирате и по вечерата.
Во секое време од денот можете да послужите овошна салата, која меѓу другото е одлична и за намалување на гладот.
Помислете само на придобивките што би ги имале децата од овошна салата наместо вообичаените нездрави грицки купени во продавница кои немаат ништо хранливо, напротив, полни се со адитиви, вештачки бои и шеќер.