Можете да направите вкусен колач за кратко време, без многу комплицирани состојки, алатки и филозофија. Овој колач со круша е еден таков десерт.
Подготовката е толку едноставна што и најголемите аматери можат да ја совладаат. Процесот е дополнително олеснет со употреба на брашно што само се подига.
Доколку го немате при рака овој производ, можете да го направите сами – додадете една лажичка прашок за пециво и малку сол на 100 грама обично брашно.
Ако немате круша, можете да користите и парчиња свежо јаболко. Важно е само да го измиете, излупите и исчистите пред да го ставите во колачот.
Состојки:
130 гр брашно што се крева самостојно
130 гр шеќер
130 гр омекнат путер
2 големи јајца
1 лажичка екстракт од ванила
1-2 круши или јаболка
Подготовка:
Загрејте ја рерната на 180 степени Целзиусови.
Јајцата, шеќерот и путерот изматете ги во изедначена смеса со помош на миксер.
Просејте го брашното и додадете го во смесата. Мешајте додека не се соединат состојките.
Зачинете по желба со малку екстракт од ванила.
Намачкајте калап за колачи и на дното ставете круша која сте ја излупиле и исечкале на помали парчиња.
Прелијте ја смесата врз овошјето и протресете ја содржината.
Печете го колачот во загреана рерна околу 30 до 40 минути или додека не се испече целосно. Користете чепкалка за заби за да проверите дали колачот е готов пред да го извадите од рерна.
Изладете го колачот пред да го исечете и послужите. Добар апетит!