Кралицата Летиција често го отсликува својот карактер со своите модни избори, а со оваа комбинација ја покажа силата и моќта што ја носи.
Таа важи за една од најстилските членови на кралскиот двор, со гардероба која вклучува парчиња од двата света – high street и high fashion. Овој пат таа маѓепса со елегантно бордо одело во бојата која е овогодинешниот хит, кој истовремено ја истакна нејзината женственост и нејзиното влијание во општеството.
Со кралот Фелипе ги пречека олимпијците и параолимпијците кои учествуваа на натпреварите во Париз, а нејзиниот моден избор беше навистина впечатлив.
Ја искомбинира јакната со стегнат струк со широки, лелеави панталони кои се движеа додека се пробиваше низ палатата Ел Пардо.
Оваа богата бордо нијанса одлично се вклопува во есенските и зимските комбинации, а Летиција го искомбинира костумот со црна кошула украсена со голема машна околу вратот.
Поради здравствени проблеми со стапалата, кралицата избрала црни затворени чевли кои личат на мокасини со блок потпетица.
Со ова таа покажа дека ги следи модните трендови и нејзиниот костум е совршен избор за витките жени кои сакаат да ја истакнат сопствената софистицираност.
Дали ви се допаѓа нејзината комбинација?