Сакала или не, за Мадона постојано се зборува, а пејачката со децении се наоѓа на листата на најследени познати личности благодарение на статусот на мегаѕвезда. Мадона деновиве е во Италија со своето 38 години помладо момче, а според последните фотографии би се рекло дека е прилично исцрпена, а на што сите обрнале внимание е нејзиното лице.
Мадона е на одмор во Италија со фудбалерот Ахим Морис, нејзиниот 38 години помлад дечко. Парот се шетал по калдрмените улици на Терачина, а пејачката изгледала слабо и исцрпено.
Сепак, без разлика на тоа, таа се трудела да биде совршено облечена во нејзин стил, а очигледно го прифатила трендот што го обожава Бијонсе и носела марама на главата, како постарите жени од Балканот, и го усогласила со раскошниот фустан од тантела на Долче и Габана.
Сепак, до израз доаѓа нејзиното лице за кое во последно време многу се зборува, бидејќи евидентно е дека има направено неколку естетски зафати, а да потсетиме дека и познатиот пластичен хирург Гери Линк потврди дека Мадона го корегирала лицето со различни естетски зафати со децении и негова проценка е дека од 1982 година до денес има направено три подигања на лицето, три пати ги подигнала веѓите, двапати инјектирала филери и не го исклучува фактот дека имала импланти на вилицата и го отстранила вишокот на масти.
И без разлика на сите тие процедури, овој пат Мадона изгледала многу постаро и видно изнемоштено и уморно, што ги загрижи нејзините обожаватели.
Инаку, пејачката минатата година се пожали дека живее во свет кој одбива да ги слави жените и ги осудува кога ќе наполнат 45 години и чувствува потреба да ги казни доколку продолжат да бидат со силна волја, вредни и авантуристи.
Во таа прилика таа изјави дека никој нема да и го скрши духот и дека ќе продолжи да ужива и да го прави тоа што сака, без разлика дали тоа е поврзано со нејзиниот физички изглед или изборот на партнер.
Во склад со тоа е и нејзината врска со младиот Акима, кој првпат го запознала во 2022 година, а врската ја потврдила и преку Инстаграм, кога на 4 јули сподели бурни фотографии од неа и фудбалерот во провокативни пози, вклучувајќи ја и онаа на неговата рака на нејзиното деколте додека лежат на кревет.
– Среќен 4-ти Јули! На денешен ден пред една година, само што се вратив дома од болница откако преживеав опасна по живот болест, едвај стоев во на нозе, но чудесно закрепнав и имав неверојатна година. Фала ти Боже. Животот е убав, напиша Мадона во објавата.
Да потсетиме, познатата пејачка долго време беше во критична состојба, но сепак успеа да се избори, а големата победа ја прослави со огромен концерт во Рио пред милион и 600 илјади луѓе.
Сепак, многумина ќе речат дека годините го прават своето, бидејќи таа има 66 години, а нејзиниот начин на живот е како оној на просечен дваесетгодишник. Но, тоа никогаш не ја спречило, дури и ја мотивирало, па дури еднаш изјавила дека светот е загрозен од нејзината моќ и издржливост.
– Ним им се заканува мојата интелигенција и мојата волја да преживеам. Но, тие никогаш нема да ме скршат. Сето ова е тест, гласи изјавата на Мадона, пренесе Дејли Мејл.