За да може дигестивниот систем да биде здрав, важно е микробиомот да е во рамнотежа, односно да има доволен број на добри бактерии. Лукот е токму храната со која ќе ги нахраните вашите добри бактерии.
Кога станува збор за здравјето, се согласуваат експертите, дигестивниот систем е важна алка во одбраната на нашиот организам бидејќи начинот на кој ги вариме хранливите материи и ги внесуваме во организмот зависи од неговото функционирање. Одржувањето на цревниот микробиом во добра состојба, т.е. во рамнотежа, влијае на сите други органи и на нашиот имунолошки систем воопшто.
Во нашите црева живеат околу милион бактерии, некои добри, некои потенцијално лоши или патогени, а за здрав и витален организам од големо значење е бројот на добри бактерии да преовладува над бројот на лоши. Затоа, во зачувувањето на здрава и урамнотежена цревна микрофлора или микробиом, важна улога играат пребиотиците, несварливите влакна кои добрите бактерии, т.е. пробиотиците, ги користат како храна.
Според истражувањето објавено во American Journal of Clinical Nutrition во 2019 година, откриено е дека пребиотските влакна во одредени намирници можат да бидат корисни за нашите црева, а една од намирниците богата со такви влакна е лукот.
Зошто се важни добрите бактерии или пробиотиците?
Пребиотиците се наоѓаат во дигестивниот тракт и служат како храна за добрите бактерии. Пробиотиците се добри бактерии кои го штитат телото од лоши бактерии и габи. Понатаму, ако има нерамнотежа во цревната микрофлора, односно ако преовладуваат тие лоши бактерии и габи, може да има проблеми со варењето, но и со кожата, имунолошкиот систем, па дури и менталното здравје може да биде загрозено.
Лукот е природен пребиотик
Лукот можеби е меѓу најмалите зеленчуци, но неговото едно чешне е веќе многу сложена храна, со многу различни видови на хранливи материи и соединенија кои го прават медицински додаток на јадењата.
Лукот се состои од јаглени хидрати, но содржи и протеини, влакна, амино киселини, вода и органски сулфурни соединенија (кои исто така се наоѓаат во брокулата, кромидот и зелката). Но, лукот е и намирница богата со инулин, кој служи како резервен јаглехидрат, а кој се изучува пред се поради позитивното влијание на цревната микрофлора. Бројни студии го потврдија стимулирачкиот ефект на инулинот врз растот на бифидобактериите, во количина од 5 грама дневно.
Бидејќи одредени видови бактерии имаат корисен ефект врз здравјето на луѓето, првенствено бифидобактериите и лактобацилите, хранењето на овие бактерии со инулин им овозможува да ги надминат потенцијално штетните бактерии. Според студијата објавена во списанието Food Science and Human Wellness, лукот всушност го поттикнува растот на пријателски бактерии (особено бифидобактерии) во цревата, но истовремено го спречува растот на бактериите кои предизвикуваат болести.
Понатаму, лукот е познат и по своите антиоксидантни, антимикробни и антиканцерогени својства и може да спречи срцеви заболувања.
Важно е да се знае дека при термичка обработка, овие зеленчуци почнуваат да ги губат пребиотските својства, па затоа е подобро да се јаде сиров, да се ренда на тост, да се додаде во салати, но и во ова се да биде умерено. Ако страдате од надуеност, која е предизвикана од синдром на нервозно дебело црево, лукот би можел да ви направи проблем, па затоа е подобро да го избегнувате.