И додека летото е резервирано за ладни и освежителни пијалоци, со потемните есенски денови, многумина полека се враќаат на потоплите пијалоци. Сепак, забораваме како и добар коктел може да не загрее. Денеска ви предлагаме да го направите тоа со специјална верзија на џин и тоник.
Во овој случај, омилениот пијалок на многумина е збогатен со јаболков. Ова е годишно време кога бројните есенски сорти на јаболка созреваат со навистина прекрасен вкус, а аромата на јаболката одлично ќе се вклопи во овој есенски џин и тоник.
Состојки:
60 мл џин
30 мл сајдер
100 мл тоник
1 тенко парче јаболко или портокал
2 каранфилче
1 стапче цимет
мраз
Подготовка:
Во чаша ставете 4-5 коцки мраз, па во неа прво истурете џин, па сајдер и на крај тоник. Со стапче цимет малку промешајте го коктелот и оставете го во чашата како декорација. Додадете каранфилче и парче јаболко или портокал и послужете.