По две години, Селин Дион за прв пат проговори за неизлечива болест – синдром на вкочанета личност, ретко автоимуно нарушување кое влијае на централниот нервен систем. По деталите што ги откри по повод претставувањето на трејлерот за документарниот филм „Јас сум Селин Дион“, Сега, во интервју за Хода Котб за NBC News, Селин откри како болеста влијае на неа цели 17 години.
„Како некој да те дави. Како некој да ти го стиска грлото. Тоа беше како да зборуваш така и не можеш да одиш ни повисоко ни подолу. Доаѓа со грч. Почна во грлото и си помислив: „Не, добро е, ќе биде добро“, но може да се појави и во стомакот, ‘рбетот и ребрата. Чувствувам дека ако ги извадам стапалата, ќе останам во таа положба или ако готвам затоа што сакам да го правам тоа, моите прсти, моите раце ќе останат во една положба. Тоа се грчеви, но како да сте во позиција што не можете да ја промените“, изјави Селин и го откри најболниот момент:
„Во еден момент си ги скршив ребрата затоа што понекогаш, кога е навистина тешко, тоа може да се случи“.
Да потсетиме, Селин пред неколку дена во големото интервју за Вог откри дека е подготвена да ползи, доколку повеќе не може да оди.
„Се надевам дека документарецот нема да ги исплаши луѓето, туку ќе ги освести. Ми требаа 17 години. Ве молам, не чекајте толку долго. Чувствував потешкотии да го контролирам гласот. Ќе пеев високи ноти, а потоа гласот ќе ми се грчеше. Отидов на лекар, ми ги прегледаа гласните жици и рекоа дека се отечени“, рече Селин.