Докторот Саураб Сет од Калифорнија предупредува дека пластичните шишиња содржат токсични нанопластики кои остануваат во телото и се поврзани со најтешките болести. Тој укажа на студија која покажа дека просечното пластично шише со вода што се продава во Америка содржи 240.000 од овие честички.
Не е здраво да се пие од пластични шишиња
Во видеото што го објави на TikTok, гастроентерологот рече: „Престанете да користите пластични шишиња со вода. Тие честички можат да навлезат во човечките клетки и да влезат во крвотокот и во сите органи“. Наместо тоа, тој советуваше користење шишиња од не’рѓосувачки челик за повеќекратна употреба. Докторот истакна дека е најштетно да се пие вода од пластично шише кога е жешко: „Топлината ќе предизвика уште повеќе микропластика да се испушти во шишето со вода“.
Кога станува збор за шишиња со вода, се верува дека мали парчиња пластика завршуваат во производите како нуспроизвод за време на производниот процес.
@doctorsethimd The risk of Plastic Water Bottles 🤯 I Harvard Trained Doctor Explains #heart #health #plastic #medicaltiktok
Истражувањата покажаа дека се опасни
Студијата објавена во 2023 година користела биолошки модели и биомаркери за да ги утврди токсичните ефекти на наночестичките кога се консумираат. Истражувачите од Велика Британија открија дека молекулите можат да предизвикаат оксидативен стрес, да ја оштетат ДНК и да промовираат воспалителни реакции кои се поврзани со појавата на најсериозните болести.
Од американската Администрација за храна и лекови (ФДА) пак, за „Дејли мејл“ изјавија дека нема потреба од паника за флаширана вода. Агенцијата не знае за какви било научни докази кои би можеле да предизвикаат загриженост кај потрошувачите за потенцијалното ниво на микропластична или нанопластична контаминација во храната, вклучително и водата во пластичните шишиња.