Кога ќе го исцедите сокот од лимон или ќе изрендате малку кора, остатокот чувајте го во замрзнувач. На тој начин нема да се исуши и расипе и ќе можете да го користите до крај, наместо непотребно да ги фрлате целосно употребливите остатоци.
Следниот пат кога ќе треба да изрендате малку кора од лимон во колач или крем, за посебен вкус, замрзнете го остатокот од лимонот, бидејќи на тој начин можете да го користите за други работи.
Имено, ако само на кујнскиот пулт оставите лимон од кој сте го излупиле дел од кората, многу брзо ќе се исуши и ќе мувлоса, а остатокот нема да можете да го искористите. Бидејќи добро поднесува замрзнување, тоа е добар начин да го зачувате за некоја друга прилика.
И не само тоа: можете да ја замрзнете и кората од лимонот од кој сте го исцедиле сокот, за да ја имате при рака за рендање. Една кора од лимон може да биде доволна за неколку јадења, а не зазема премногу простор во замрзнувачот. Веројатно тоа можете да го направите и со портокал или лимета.