Ако сте алергични, комарците можат да предизвикаат сериозни здравствени проблеми. Доколку ви е тешко да ги поднесете, тогаш ова лето наместо на летна дестинација, треба да одите на – Исланд. Имено, таа е единствената земја во светот каде што нема комарци.
За ова се одговорни климатските услови. На Исланд едноставно е премногу студено за комарците да преживеат. Заедно со Исланд, единствената клима во светот каде што не можат да преживеат е Антарктикот.
Научниците ова го објаснуваат со фактот дека на Исланд и на Антарктикот не постојат услови кои би им овозможиле на комарците да хибернираат во долгите зимски месеци, а количината на вода за пиење не е доволно стабилна за да ја поттикне нивната репродукција. Сепак, со оглед на забрзаните климатски промени и глобалното затоплување, не е исклучено и тоа да се промени во блиска иднина.
Интересен е и фактот што земјите со слични климатски услови на Исланд, како Норвешка, Шведска или Финска, не се поштедени од комарците кои се појавуваат таму во текот на пролетта и летото, како и во другите делови на Европа.
Покрај оние кои мразат комарци, Исланд е идеално место за одмор за сите оние кои се плашат од змии, бидејќи тамошните климатски услови не му одговараат ни на тоа животно. Во оваа изолирана земја нема да сретнете ниту желка, ниту рептил, освен можеби со Исланѓаните кои успеале да ги воведат во својата земја како домашни миленици. Интересно е тоа што иако се наоѓа на крајниот север на планетата, на Исланд нема ниту поларни мечки, само на секои неколку години по неколку пловат на ледените санти од Арктикот.