Официјалниот Инстаграм профил на продавницата на Бакингемската палата во средата сподели видео во кое се промовира кралскиот џем од јагоди, само неколку дена откако војвотката од Сасекс ја претстави својата линија на џем од јагоди.
На видеото, кое е придружено со звуците на Моцарт, се гледа женска рака која мачка џем на кришка леп, торта и кроасан.
„Нашиот џем од јагоди е направен од најдобрите бобинки и вкусно се служи на различни начини“, се вели во описот на продуктот. Тие ги замолија следбениците да споделат како го јадат нивниот џем.
ПОГЛЕДНЕТЕ ГО ВИДЕОТО ТУКА
Сепак, некои обожаватели забележаа дека ова доаѓа многу брзо откако Меган Маркл го објави првиот производ на нејзината компанија „American Riviera Orchard“ – тегла џем од јагоди.
„Дали јас сум единствениот што го гледа суптилното засенчување?“ се прашуваше еден обожавател.
„Умирам од смеење кога ќе видам во кој временски период е објавено ова“, напиша друг.
„Многу невкусен, низок удар, целосно е незрел и непотребен. Мислев дека Бакингемската палата треба да зрачи со стил и грациозност. Изгледа дека не треба”, додал еден обожавател.
„Бакингемската палата над Монтесито секој ден“, забележа еден корисник на социјалните мрежи, мислејќи на калифорниската област каде Маркл и принцот Хари (39) сега живеат со своите деца, принцот Арчи и принцезата Лилибет.
Да потсетиме дека Меган Маркл (42) во март го најави својот нов бренд за животен стил „American Riviera Orchard“.
Извор од индустријата изјави за „Page Six“ дека Маркл работи на тоа „повеќе од една година и се работи што ѝ се блиску до срцето, работи за кои таа е страсна“.
„American Riviera Orchard“ ќе продава широк асортиман на домашни продукти, вклучително и задоволства како што се желеа, џемови и намази, како и прибор и книги за готвење.
Покрај тоа, тие ќе имаат шминка, производи за коса, мириси и производи за нега на кожата. Претходно овој месец, „American Riviera Orchard“ го дебитираше својот прв производ: тегли свеж џем.