Во последно време стана вирален тренд акните и дамките на лицето да се „лечат“ со паста за заби, но докторката Софи Шотер, експерт за нега на кожа, предупредува дека тоа е лоша практика и може да доведе до сериозни проблеми. Многу луѓе користат паста за заби во обид да ги исушат мозолчињата или флеките, но Шотер истакнува дека ова е голема грешка што може да ја влоши кожата.
– Ако ставите паста за заби на акни или дамка, може да предизвикате иритација и периорален дерматитис, во тој случај на кожата се појавуваат мали испакнатини кои предизвикуваат чешање и печење, вели докторот.
Наместо паста, таа советува модифицирање на негата на кожата.
— Ви советувам да ја намалите рутината – во повеќето случаи на кожата не и треба силен хидратантен крем. Направете пауза од тешките хидратантни креми и проверете дали се подобруваат затнатите пори. Користете едноставна рутина за кожата користејќи благо средство за чистење, нежни PHA киселини и хијалуронска киселина. И секако, на крајот крема за сончање со фактор 50 – објаснува Шотер.
Смета дека клучот е негата на кожата одвнатре, со помош на суплементи и дека заедно со надворешните производи за нега се дава добри резултати.
– На пример, користењето на колаген е одлична инвестиција на долг рок. Помага да се ребалансира кожата одвнатре, со тоа што ги одржува фибробластните клетки во активна состојба, што му помага на телото да заздрави онаму каде што е потребно – заклучила д-р Софи Шотер, пишува Mirror.