Блејк Лајвли и Рајан Рејнолдс имаа деловен состанок во Њујорк и беа фотографирани како излегуваат од зградата во која се одржал. Брачната двојка беше модерно координирана во сини тонови.
Блејк Лајвли направи деловна комбинација со сини широки панталони до глуждовите и сини чизми со потпетици. Сината можеби е малку запоставена во есенските модни комбинации, во споредба со црната, кафената и сивата, а би сакале да ја гледаме почесто бидејќи чизмите во сина боја изгледаат навистина добро, нели?
Актерката се топлеше со бел пуловер од фин кашмир, над кој носеше подолг елек со патент и џебови, од сино-виолетовиот материјал налик на твид. Блејк го зачини својот лежерен стајлинг со луксузни модни додатоци од реномирани брендови.
На рамо носеше сина тексас чанта од модната куќа Шанел, а околу вратот златно ланче во форма на змија која си ја гризе сопствената опашка со потписот на модната куќа Bvlgari.
