Новак Ѓоковиќ по повредата на менискусот експресно донесе одлука, а утрово беше опериран во Париз.
Српскиот тенисер се повреди на мечот од осминафиналето со Франциск Серундола, по магнетната резонанца што ја направи во вторникот се повлече од натпреварувањето, а 24 часа подоцна “пресече” и реши да оди „под нож“.Операцијата наводно била извршена утринава во Париз на клиника, пишува италијанскиот Gazeta. Доколку нема компликации,тенисерот за неколку часа ќе може да стане од кревет, да оди со помош на патерици и да ја напушти клиниката.
По процедурата, Новак се очекува да се врати на теренот по три недели, се претпоставува дека толку долго ќе трае закрепнувањето. Можеби нема да биде подготвен за Вимблдон, но ќе биде за Олимпијадата која е закажана за 27 јули и ќе трае до 11 август. Натпреварувањето во Лондон, каде минатата сезона беше запрен во финалето, започнува на 1 јули, па тешко дека ќе биде подготвен за единствениот Грен слем што се игра на трева. Олимпиското злато е едно од ретките работи што му недостигаат во кариерата, па нема дилема дека тоа влијае на Ноле брзо да донесе одлука и да не губи време по повредата на Ролан Гарос.
Новак заработи повреда на менискусот во вториот сет на мечот со Франциск Серундола во осминафиналето на Ролан Гарос. Потоа загуби со 2:1 во сетови и 4:2 во четвртиот сет, не сакаше да се предаде, па по четири часа и 38 минути игра триумфираше. По натпреварот тој најави дека постои можност да се откаже од понатамошната конкуренција поради коленото, што и се случи. Одлуката е донесена по скенирање со магнетна резонанца. По низата шпекулации и лоши вести, најавата дека ќе закрепне од три до шест месеци, денеска за среќа добивме добри вести. Веќе во текот на јули Ноле повторно ќе биде на теренот и ќе атакува на златото на Олимписките игри.