Откако членовите на кралското семејство во Шведска и Велика Британија се соочија со здравствени проблеми, сега истата судбина ја снајде и поранешната шпанска кралица Софија.
Како што пренесуваат светските медиуми, поранешната шпанска кралица, 85-годишната Софија, на 9 април била примена во болница во Мадрид, откако и се искомплицирала ситуацијата со уринарна инфекција.
Иако нејзиното закрепнување веќе почна да се подобрува, особено откако почна да прима антибиотици, поранешната кралица Софија ќе остане извесно време во меѓународната клиника Рубер во Мадрид за да биде под лекарски надзор.
Токму поради ненадејната хоспитализација, Софија мораше да ги откаже однапред закажаните настапи, како оној во Хуеска, каде што требаше да се појави утре.
Инаку, Софија традиционално велигденските празници ги поминува одморајќи се на Мајорка, а дури неодамна се врати во Мадрид. Иако сите овие години беше во исклучително здравје и многу активна на изгледот, овој пат сепак мораше да си признае дека мора да забави.
Нејзиниот син, кралот Фелипе Шести, веќе ја посетил во болница и им рекол на новинарите дека неговата мајка е добро и закрепнува. Не е познато дали во болницата пристигнале и нејзините ќерки Инфанта Елена и Инфанта Кристина, како и нејзиниот сопруг, поранешниот крал Хуан Карлос, кој од 2020 година живее во Абу Даби, каде што се населил по абдикацијата и во желбата да се избегнат сите можни обвинувања и казни.