Оваа здрава храна можете да ја додадете во варени оброци, во салата или едноставно да ја ужинате.
Семките од сончоглед во 35 грама имаат 205 калории, 18 g масти, 3 mg натриум, 7 g јаглени хидрати, 7 g протеини.
Одличен извор на магнезиум
Богати се со магнезиум, кој е важен минерал за регулација на нервите, грчеви и расположение, но и за здравјето на коските. Со 455 mg во една порција (околу една шака), семките од сончоглед ја обезбедуваат препорачаната дневна доза на магнезиум.
Тие се полни со протеини
Како и другите јаткасти плодови и семки, сончогледот е добар извор на протеини. Истражувањата покажуваат дека протеините од растително потекло можат позитивно да влијаат на здравјето на срцето, да помогнат во контролата на тежината и да го намалат ризикот од хронични болести, пишува EatThis.
Одлични се за кожата
Витаминот Е во семките од сончоглед помага да се заштити кожата од оштетување предизвикано од УВ зраците и загадувачите на животната средина. Инаку, витаминот Е е моќен антиоксиданс кој се бори против воспаленијата во телото и ги штити клетките од оксидативен стрес.
А есенцијалните масни киселини во семките од сончоглед помагаат во одржување на хидратацијата на кожата и и даваат здрав сјај.
Тие помагаат при губење на тежината
Семките од сончоглед се природно богати со маснотии, но тие се одлични за контролирање на внесот на калории бидејќи, додека ги лупете, останувате простор помеѓу каснувањата и потоа се заситувате побрзо дури и со многу мала количина.
Го зајакнуваат имунитетот
Семките од сончоглед содржат и селен, кој е многу важна хранлива материја. Покрај здравата исхрана и правилниот сон, оваа состојка е важна и за зајакнување на имунолошкиот систем.
Сепак, треба да знаете дека семките од сончоглед се доста калорични и затоа треба да се консумираат умерено, на крајот на краиштата, како и сè друго.