Ако сакате да го пробате најскапиот хамбургер на светот, ќе треба да издвоите околу 5 илјади евра!
Хамбургерот „The Golden Boy“ го осмисли холандскиот кувар Роберт Јан де Вин, на Инстаграм познат како „крал на хамбургерите“. Тој се надева дека со овој хамбургер ќе го урне Гинисовиот рекорд зa најскап хамбургер кој моментно го држи хамбургерот од американскиот Орегон кој тежи над 350 грама и чини 4.230 евра.
Во хамбургерот на Де Вин има специјални состојки: Белуга кавијар, месо од кралски рак, шпанска ибериска пршута и бели тартуфи на плескавица од специјално Вагју говедско месо од јапонски црни говеда. Тука е и специјалниот BBQ сос направен со Копи Лувак кафе и макалан виски. За изработка на лепчињата пак се користат шампањац Дон Перињон и златни ливчиња.
„Иако сосојките за овој хамбурген се прилично скапи, тој и понатаму се јаде со раце, бидејќи тоа е единствен начин на кој се јадат хамбургери. Но, бидејќи овој хамбургер е прекриен со залтни ливчиња, кога ќе го изедете прстите ќе ви останат златни“ – вели Де Вин.
Тој исто така открива и дека целата заработивачка од овој најскап хамбургер во светот ќе ја донира во добротворни цели.