Пакс Џоли-Пит, за прв пат по излегувањето од болница, беше виден во друштво на својата мајка Анџелина Џоли. Тој имаше гипс на раката од несреќата што ја имаше со својот електричен велосипед пред неколку недели. Новите детали откриваат дека Пакс сака брзина.
Американскиот TMZ објави видео на кое се гледа како црна Tesla се судрила со пикап паркиран пред RED Studios Hollywood. Во овој инцидент, кој се случи на 19 мај, учествуваше 20-годишниот Пакс.
Несреќата се случила во доцните ноќни часови и Пакс целосно ја уништил неговата Tesla, но за среќа, не се здобил со сериозни повреди.
Неколку месеци подоцна, Пакс имаше уште една несреќа, овој пат со електричен велосипед, кој често го гледаа како го вози без кацига низ Лос Анџелес.
Потсетуваме, Пакс на крајот на јули „удри“ во автомобил кој стоеше пред него на семафор, што доведе до негова итна хоспитализација.
Според извештаите, Пакс пријавил болка во колкот кога пристигнале лекарите, а потоа бил однесен во болница поради повреда на главата.
Несреќата се случила околу 17 часот на булеварот Лос Фелиз, во сообраќајниот „rush hour“, односно, врв на гужвата. Пакс го возел велосипедот до раскрсницата и удрил во задниот дел на автомобилот кој бил запрен на црвено светло. Тој помина извесно време во болница под опсервација, но за среќа единствената повреда што ја заработил била повреда на раката.