Во текот на летото косата слабее и побрзо пука, па потребна е дополнителна грижа за нејзиното здраво одржување, како подготовка за претстојната есен.
Поради недостаток на време, обично се купуваат готови производи, но можеби не е на место да пробате нешто природно, токму од вашата кујна. Водата со рузмарин се препорачува за побрз раст и закрепнување на косата.
Подготовка
Во тенџере зовријте вода, а кога ќе зоврие додадете рузмарин и нане, па намалете ја топлината на шпоретот. Оставете да врие околу 20 минути. Кога смесата ќе се олади додадете го јаболковиот оцет. Измешајте и истурете во шише со распрскувач.
Како да се користи препаратот?
Откако ќе ја измиете косата, со шампон и регенератор, полека испрскајте ја оваа вода од рузмарин по целата коса. Не е неопходно да се плакне со вода, бидејќи трикот е да го задржите што подолго до следното миење на косата.