Џенифер Лопез овој пат се одлучи за урбано, тренди издание. Таа облече долг, моќен капут во темна боја, под кој „скри“ едноставна, но атрактивна комбинација – фармерки и темна ролка. Таа сè заокружи со светло сина Шанел чанта и чизми во иста нијанса, но она што ни падна во очи е посебниот модел на фармерки кои ги избра славната 54-годишна дама.
Џенифер е секогаш во тренд! Лопез се одлучи за широки фармерки, со широки ногавици во форма на ѕвонче и низок струк. Опуштените, полежерни кроеви на фармерки се актуелни трета сезона по ред – тие се практично ултимативен тренд, но се искристализираше уште еден подтренд, а Џенифер долго време инсистира на него.
