Повеќето луѓе го поврзуваат витаминот Ц со цитруси, особено портокали, и со добра причина. Еден портокал со средна големина содржи околу 63,4 милиграми витамин Ц. Сепак, постојат овошја кои имаат повеќе витамин Ц од портокалите.
Станува збор за малку познато овошје кај нас наречено – какаду слива. Ова овошје содржи повеќе витамин Ц од кое било друго овошје на планетата.
Австралиската какаду слива е вистински златен рудник за исхрана, пишува Health Digest.
Според списанието „Food Bioscience“ од 2023 година, сливите Какаду имаат сто пати повеќе витамин Ц од агрумите и дури 800 пати повеќе витамин Ц од боровинките. Тие се и одличен извор на калиум, а постојат и цврсти докази дека влијаат на крвниот притисок, или подобро кажано – го намалуваат.
Според „Healthline“, какаду сливите содржат и многу влакна, а бидејќи на возрасните им се препорачува да консумираат помеѓу 21 и 38 грама влакна дневно, во зависност од полот и возраста, јасно е дека и овде статистиката оди во прилог на ова суперовошје.
Внесот на влакна е поврзан и со подобрување на хипертензијата, па ќе влијае и на намалување на крвниот притисок.