Сара Џонс е животен тренер кој советува дека за среќен живот доволно е да одговорите на овие пет прашања.
За што сте страствени?
Да се познавате себеси значи да знаете кои се вашите страсти и цел и тогаш ќе можете да ги канализирате во нешто добро и корисно во светот. Да се живее безгрижен живот каде што навистина се познавате себеси значи да живеете живот со цел, тврди тренерот.
Што ве прави среќни?
Среќата е навистина важна. Ако сакате да постигнете цели во животот, важно е да бидете мотивирани и амбициозни, а ако сте среќни, имате потенцијал да ги промените животите на другите луѓе со тоа што ќе влијаете врз нив. Среќата е чувството кое се јавува кога ќе сфатите дека се оди како што треба, според планот и кога имате внатрешен мир, вели Сара.
Дали знаете како е да се будите со насмевка?
Насмевката е навистина клучна состојка за здрав живот. Среќните мисли создаваат среќа и ако размислувате за работи кои ве прават среќни, веднаш ќе се чувствувате подобро. Само визуелизирање на нешто што ве прави среќни ќе направи да се чувствувате посреќни. Насмевката е заразна. Ако зрачите со позитивна енергија, се ќе ви се врати. Насмевнете се и некој ќе ви возврати. Ќе усреќите некого и ќе му го промените денот. Понекогаш малите нешта значат многу, вели таа.
Кога последен пат сте плачеле?
Солзите знаат да бидат добри и со нивна помош да ја исфрлите сета негативна енергија. После тоа, ќе се чувствувате емотивно исчистени, како катарза. Ќе се ослободите од сите негативни мисли кои ви се вртат низ глава. Кога плачете, ја ослободувате сета негативност што се наталожува со денови. Ќе се чувствувате послободни и полесни.
Дали вашата чаша е полуполна или полупразна?
Што сметате за среќен живот? Среќен живот значи да живееме секој ден со прифаќање и благодарност, да го даваме најдоброто од она што го имаме и да мислиме дека чашата е половина полна. Обидете се да задржите позитивен став. На овој начин и на другите ќе им биде удобно да се дружите, а вие ќе бидете помалку нервозни и ќе го зачувате вашето здравје.