Ким Кардашијан повторно е мета на корисниците на социјалните мрежи кои ја обвинуваат дека го копира стилот на Бјанка Ценсори, сегашната сопруга на нејзиниот поранешен сопруг, раперот Канје Вест, пишува „Дејли мејл“.
Во целосно бела модна комбинација која ги истакнува нејзините облини, Кардашијан многу наликува на Бјанка, па многумина на социјалните мрежи ја нарекуваат „Ким Ценсори“.
Некои мислат дека фотографиите се стари неколку месеци бидејќи Кардашијан има руса коса на нив, а во јуни таа ѝ се врати на црната коса.
„Доста ти е од тие твоите евтини аутфити“, „Не биди како Бјанка, не ти одговара“, „Не знам која од вас две подобро се облекува“, напишале нејзините следбеници.
Ова не е првпат да ја споредуваат со Бјанка – во март оваа година ријалити ѕвездата се соочи со истите обвинувања. Таа позираше во огромна кафеава бунда, под која носеше само хулахопки и чевли со високи потпетици.