Џенифер, симболично или не, чекаше до втората годишнина од нивниот брак за да поднесе барање за развод, наведувајќи го 26 април како датум на нивната разделба.
Како причина за разводот, Џеј Ло во документите нагласила дека станува збор за „непомирливи разлики“, изјавил извор за Page Six.
Таа, исто така, изјави дека не сака да ѝ се додели брачна поддршка на неа или на Афлек (52).
Претходно оваа недела, Лопез побара презимето Афлек да биде исфрлено од нејзиното име во барањето за развод.
Пејачката побара од судијата да го смени нејзиното легално име од Џенифер Лин Афлек во Џенифер Лин Лопез, откако таа го зеде презимето на актерот кога се венчаа во 2022 година.
Џенифер претходно проговори за промената на презимето и гестот го нарече „романтичен“ и „традиционален“.
„Луѓето сепак ќе ме викаат Џенифер Лопез. Но, моето легално име ќе биде г-ѓа Афлек затоа што сме заедно“, изјави таа за Vogue во ноември 2022 година, додавајќи:
„Ние сме маж и жена. Јас сум горда на тоа. Мислам дека тоа не е проблем.“
Тие, наводно, немале предбрачен договор, што би можело да доведе до битка за имотот, вклучувајќи го и нивниот замок во Беверли Хилс вреден 68 милиони долари што го ставиле на продажба.