Иако искреноста е суштински дел од здравата врска, има некои работи кои е подобро да ги премолчите. Ако не ги кажеме, нема да има никаква штета и ќе ја поштедиме повредата и несигурноста на другата страна.
Брачниот советник и терапевт Џеф Гинтер од Портланд, на Инстаграм сподели пет работи за кои мисли дека не треба да му кажеме на партнерот. Ги претставуваме подолу.
1. Не кажувајте на партнерот дека вашиот поранешен партнер се појавил во вашите мисли
Ако вашиот поранешен партнер ви падне на ум, тоа не е нешто што треба да го пријавите на вашиот сегашен партнер. Потенцијално ќе го загрижите или вознемирувате, а бившиот партнер кој се појавува, на пример, во некоја од вашите фантазии, не мора да значи ништо.
2. Не кажувајте му на партнерот секогаш кога некој ви е сладок/симпатичен
Дали сте виделе некој што навистина ви се допаѓа? На сите им се случуваат вакви работи, доаѓаат и си одат и обично ништо не значат. Другата страна навистина нема потреба да добива информации за секоја личност што ќе ви привлече внимание. Важно е само да не се однесувате на начин што би ви пречело доколку вашиот партнер така се однесувал.
3. Не кажувајте му ги на партнерот сите грди работи што сакате да ги кажете за време на голема кавга
Најдобро го познавате партнерот и веројатно можете да го повредите само со една реченица бидејќи ја знаете секоја негова несигурност, болна точка. Но, не правете го тоа. Бидете подобра личност од тоа. За време на расправии, кажуваме работи што навистина не сакаме да ги кажеме. Затоа следниот пат обидете се да го прескокнете тој дел и аргументирано да се расправате, без непотребни навреди.
4. Не кажувајте му на партнерот секогаш кога ќе ве изнервира
Партнерите нè нервираат, можеби не секогаш, но нè нервираат. Но, обидете се да прифатите некои работи кои би можеле да ве нервираат кај вашиот партнер, наместо да се обидувате да ги елиминирате со постојано воспитување.
5. Не кажувајте му на партнерот дека некои членови од вашето семејство не го сакаат
Семејствата се чудни, комплицирани, секој има свое мислење за се… Ако некој член од вашето семејство не го сака вашиот партнер, тој не мора да го знае тоа. На крајот на краиштата, тоа мислење може да се промени, можеби тоа е само хир на братучедот, па нема потреба никому да му создавате непријатни ситуации.