Познатиот актер Кенет Мичел почина пред два дена на 49-годишна возраст, соопшти неговото семејство. Во последните пет години тој се бореше со амиотрофична латерална склероза. Зад себе ја остави сопругата Сузан Меј Прат и нивните две деца.Ѕвездата и актерот на Марвел што ги видовте во “Star Trek: Discovery” водеше херојска борба, која за жал заврши трагично. Кенет Мичел го позајми својот глас на неколку ликови во „Star Trek: Lower Decks“.
Роден е во Торонто, Канада, филмски наслови и телевизиски серии во кои играше се: Captain Marvel, Miracle, Jericho, The Astronaut Wives Club, Ghost Whisperer i Switched at Birth.
Изјавата на семејството гласеше: „Пет и пол години, Кен се соочуваше со низа страшни предизвици со АЛС. И на вистински начин, тој успеа да се издигне над сите со благодат и посветеност да живее исполнет и радосен живот во секој момент.Веста за неговата смрт доаѓа од Daily Mail.
На актерот во 2018 година му беше дијагностицирана АЛС, а во 2019 година почна да користи инвалидска количка.
„Во моментот кога ни кажаа дека ја имам оваа болест, беше како да сум во некој свој филм, тоа беше чувството, како да ја гледам сцената каде на некој му кажуваат дека има терминална болест, неверување, шок“, изјави тој за People во 2020 година.