Хоакин Феникс (49) се откажа од претстојниот романтичен филм за љубовта на двајца мажи само неколку дена пред да започне снимањето во Мексико.
Актерот се вклучи во продукцијата на овој филм минатата година. Се претпоставува дека е „детективска љубовна приказна“ сместена во 1930-тите во Лос Анџелес, со Тод Хејнс како режисер. Дени Рамирез требаше да го игра љубовниот партнер на ликот на Хоакин Феникс.
Сепак, сега се е неизвесно поради тврдењата дека главната ѕвезда го напуштила проектот и тоа во најлош можен момент, наводно неколку дена пред снимањето. Извор близок до продукцијата на филмот изјави за списанието Variety дека Хоакин се „исплашил“ да глуми во филмот и покрај тоа што го развивал сценариото со писателот Џон Рејмонд.
Според медиумите, проектот зависел од кастингот на Хоакин, а неговиот лик не може да се „преобликува“. Актерите и екипата, наводно, сега се без работа.
Тод ги објави своите планови на Канскиот филмски фестивал минатата година. Во тоа време, тој објасни дека сценариото го развил со Хоакин откако оскаровецот му кажал „некои мисли и идеи“.
– Во суштина, сценариото го напишавме со него. Се надеваме дека ќе го снимаме на почетокот на следната година. Во основа, тоа беше само овој прекрасен, органски начин да се создаде сценариото. А Хоакин го туркаше на поопасна територија, сексуална – рекол еднаш.