Откако холивудскиот режисер Ридли Скот во октомври минатата година откри дека му дал улога на Пол Мескал во историскиот спектакл „Гладијатор II“, ирскиот актер се грижи дека насловната улога во продолжението на костимографската драма што го прослави Расел Кроу ќе влијае на неговото ментално здравје. Сепак, на овој темнокос Ирец со прекрасни очи не му е непозната славата. Се прослави со главната машка улога во ирската мини-серија „Нормални луѓе“, која му падна во очи на легендарниот режисер и му донесе улога во филмот кој Скот долго време го подготвуваше барајќи го вистинскиот актер, некој како Расел Кроу кој ќе може да го „носи“ филмот од почетокот до крајот на сцените.
Мескал ја играше трогателната улога на млад татко во драмата „Aftersun“ и доби номинација за Оскар, а минатиот април му беше доделена престижната награда Лоренс Оливие за неговата улога како Стенли Ковалски во претставата на Вест Енд, „Трамвај наречен копнеж “. Имено, ѕвездата родена во ирскиот град Мејнут има непријатно чувство дека новиот филм може негативно да влијае на квалитетот на неговиот живот и менталното здравје.
„Дали повеќе слава значи дека луѓето повеќе ќе ме запираат на улица? Би станал длабоко депресивен ако тоа се покаже дека е така и се надевам дека тоа нема да се случи“, изјави тој за ирските медиуми.
Тој призна дека се уште нема одговор за таа ситуација, но ако „Гладијатор II“ ќе „влијае така на неговиот живот, тој ќе биде во лоша позиција“, пишува Metro UK.
Во продолжението на големиот хит од 2000 година, Ирецот ја толкува улогата на Луциус Верус, синот на Лусила, сестрата на императорот Комодус, тиранинот кој беше убиен од Расел Кроу во дуел во Колосеумот. Се чини дека Лусиус е љубовното дете на Лусила и генералот Максимус Децимус, кој станува гладијатор по заговорот на Комодус во филмот од 2000 година. Продолжението започнува петнаесет години по смртта на Комодус, Луциус пораснал, игран од Пол Мескал, живеејќи во дивина без никаква врска со неговата мајка која се сомнева дека е мртов…
Пол Мескал не открива многу за филмот кој се прикажува во американските и канадските кина кон крајот на ноември оваа година. Се пошегува дека единствен начин да се спаси од последиците на преголемата популарност е да направи лош настап во филм или во театар или да се фати за очаен проект за фановите барем да го остават на мира.