Доколку имате соковник, овој напиток можете да го направите многу лесно, но има и опција за подготовка без мал апарат за домаќинство.
Одамна е позната изреката дека „здравјето доаѓа преку уста“. Постојат многу намирници кои со правилна употреба го подобруваат нашето здравје и општото функционирање на организмот.
Една од нив е дефинитивно зелката, која освен како салата или главно јадење, можете да ја подготвите и во вид на сок.
Придобивките од сокот од зелка:
– го регулира нивото на холестерол
-помага во борбата против чир на желудникот
– помага во борбата против воспаленија во организмот
– помага за одржување на здравјето на цревата
– го потиснува Helicobacter pylori во желудникот
– помага во апсорпцијата на хранливи материи од друга храна
Подготовка 1:
Половина од зелката ситно исецкајте или изрендајте. Ставете во тегла (до половина од теглата) и истурете вода до врвот. Оставете да отстои 48 часа, па процедете и испијте една чаша наутро и една навечер.
Подготовка 2:
Пресечете ја зелката на половина, а потоа извадете го „срцето“. Се сече на помали парчиња, се става во соковник и се цеди. Можете да пиете веднаш.