Иако црвената боја не ни е непозната и веќе беше истакната како голем тренд минатата сезона, оваа пролет ќе биде особено популарна кога станува збор за обувките.
Ако се праша британскиот Vogue, во 2024 година треба да додадете црвени чевли во вашата колекција. Доволни ви се едноставна бела маичка и сини фармерки, заедно со црвените чевли формираат комбинација која ќе биде хит.
За посмели изданија, црвените чевли можете да ги комбинирате со други парчиња во црвена боја, како фустан или многу популарните црвени хулахопки.
Доказ дека црвените чевли ќе доминираат во наредниот период се и модните писти каде што беа честа глетка во колекциите есен/зима 2024 година.
Голем љубител на нив е и Хејли Бибер, чии изданија се доказ дека црвените чевли се идеален избор за сите прилики, од секојдневни до поформални.
И кои црвени чевли да ги изберете? Не е важно. И мокасините, балетанките и салонките ќе бидат добар избор. Прилагодете ги чевлите според вашиот стил, а црвената боја ќе ги направи детал што ќе го направи секое ваше издание посебно.
Црвените чевли имаат моќ да го трансформираат целиот изглед, а доколку и самите би сакале да додадете еден пар во вашата гардероба, еве неколку потенцијални модели. Има мокасини, чевли slingback, балетанки и сандали.
