Консумацијата на големи количини шеќер влијае штетно врз нашето тело. Дали постои начин да го замениме? Секако дека да, ова се неколкуте опции кои можете да ги примените и да го замените белиот шеќер кој воопшто не е здрав.
- Агава нектар
Содржи 50 проценти повеќе калории од белиот шеќер, но исто така е многу сладок и се користи во помали количини. Со оглед на фактот дека 90 проценти од нектарот содржи фруктоза, не се препорачува честа употреба, бидејќи исхраната со фруктоза за кратко време може да предизвика отпорност на инсулин.
- Јаворов сируп
Вистинскиот јаворов сируп содржи манган, рибофлавин (Б2), цинк, магнезиум, калциум и калиум.
- Мед
Најсовршениот производ од природата е богат со гликоза, наједноставната форма на шеќер поради што е одличен избор по вежбање. Добро е да се знае дека обработениот мед не е ништо помалку хранлив од сировиот, односно филтрираниот мед содржи повеќе оксиданси.
- Меласа
Овој густ, сладок темнокафеав сируп се создава како остаток по кристализација во постапката на создавање шеќер. Една лажичка меласа обезбедува 10 проценти од дневната препорачана доза на бакар, железо, калциум, магнезиум и калиум.
- Стевија
Дериватот од истоимената билка е природен засладувач кој го намалува нивото на шеќер во крвта, високиот крвен притисок и го намалува чувството на глад. Дури 300 пати е послатка од белиот шеќер и се користи во минимални количини.
- Шеќерот Турбинадо
Кафената боја на овој сиров шеќер произлегува од меласа, додека разликата на хранливоста меѓу турбинадо и белиот шеќер е огромна.